X
"ევროპაშიც ძვირია სიგარეტი" - რას ფიქრობენ ქართველები თამბაქოს გაძვირებაზე
19:16 / 03-01-2016
ზოგიერთი დასახელების სიგარეტის ფასის მნიშვნელოვან გაძვირებასთან თამბაქოს ნაწარმზე აქციზის გადასახადის განაკვეთის ზრდას არანაირი პირდაპირი კავშირი არ აქვს, - ამის შესახებ ფინანსთა სამინისტროში აცხადებენ. უწყებაში მიიჩნევენ, რომ ფასის მატება ბაზარზე ამ სიგარეტის სახეობის მიწოდება-მოთხოვნის მოცულობის დისბალანსს უკავშირდება.

"ზოგიერთი დასახელების სიგარეტის მნიშვნელოვან გაძვირებასთან არანაირი პირდაპირი კავშირი არ აქვს თამბაქოს ნაწარმზე აქციზის გადასახადის განაკვეთის ზრდას და ჩვენი აზრით, ის ცალსახად უკავშირდება ბაზარზე ამ სიგარეტის სახეობის მიწოდება-მოთხოვნის მოცულობის დისბალანსს", - აცხადებენ ფინანსთა სამინისტროში. ახალი წლიდან საქართველოში ზოგიერთი დასახელების სიგარეტი საგრძნობლად გაძვირდა. როგორც სავაჭრო ჯიხურებში აცხადებენ, ფასები მნიშვნელოვნადაა მომატებული "პარლამენტზე", "მარლბოროზე", "ჩესტერფილდსა" და "ელ ემ"-ზე. საქართველოს პარლამენტმა სიგარეტსა და ალკოჰოლურ სასმელებზე აქციზის განაკვეთის გაზრდასთან დაკავშირებული, საგადასახადო კანონმდებლობაში ცვლილებები მესამე მოსმენით 11 დეკემბერს დაამტკიცა. ცვლილებების თანახმად, 2016 წლის 1-ელი იანვრიდან აქციზის ფიქსირებული განაკვეთი გაიზარდა, კერძოდ, ფილტრიან სიგარეტზე (20 ღერზე) - 0,20 ლარის ოდენობით; უფილტრო სიგარეტზე (20 ღერზე) - 0,05 ლარის ოდენობით; სიგარებზე, ერთ ღერზე - 0.4 ლარით, სიგარილებზე 20 ღერზე - 0.5 ლარით; ყალიონით მოსაწევ და საღეჭ ან საყნოს თამბაქოზე 1 კგ-ზე - 5 ლარით.

ფილტრიან და უფილტრო სიგარეტზე (20 ღერზე) აქციზის პროპორციული განაკვეთი 5-დან 10 პროცენტამდე გაიზარდა. აღნიშნული ცვლილებები მთავრობამ თამბაქოს კონტროლის ღონისძიებების გამკაცრებით, ამ მხრივ ევროკავშირის კანონმდებლობასთან დაახლოებითა და ალკოჰოლურ სასმელებზე აქციზის განაკვეთის ოპტიმიზაციის მიზნებით ახსნა.

Also read on georgianjournal.ge: Tobacco price goes high in Georgia: Which brands do the changes apply to


ბოლო სიახლეები
Autoplay
პოპულარული
"აპოკალიფსი" გორში - რა კადრები გადაიღო თვითმხილველმა
მეძავების შვილების მიმართვა უცნობ მამებს - რეპორტაჟი "დაცემული ანგელოზების ქალაქიდან"
დრამატული კადრები ვაგზლის მოედნიდან, რომელიც გვიჩვენებს, რომ იქ სიბინძურეს გარევაჭრობის აკრძალვამაც ვერაფერი უშველა
რას წერენ გულგატეხილი ქართველი ვარსკვლავები "ევროვიზიაზე" თამარა გაჩეჩილაძის დამარცხების შემდეგ
მეზრდება შვილი და არ მინდა ინცესტის მსხვერპლი გახდეს - თამუნა მუსერიძის მძიმე ისტორია
როგორ ცხოვრობს მერაბ ამზოევი ულამაზეს მეუღლესთან ერთად
Fox News-ის წამყვანს შეეშალა და გადაცემა ინგლისურის ნაცვლად რუსულად დაიწყო
"სულ სექსი, სექსი, სექსი არ გამიგია... ამ ხალხს, მგონი, მეტი საქმე არ აქვს, სექსის გარდა" - აღშფოთებული მსმენელი "კავკასიის" ეთერში