ყიზილაჯლოს #48 საარჩევნო უბნის შედეგები გაუქმდა
მარნეულის #22 საოლქო საარჩევნო კომისიამ ყიზილაჯლოს #48 საარჩევნო უბნის შედეგების გაუქმების გადაწყვეტილება მიიღო. უბნის შედეგების გაუქმების მოთხოვნით, საოლქო კომისიაში საჩივარი არასამთავრობო ორგანიზაცია "მრავალეროვანმა საქართველომ" შეიტანა. როგორც საჩივარში იყო აღნიშნული, ყიზილაჯლოს #48 საარჩევნო უბანზე მომხდარი ინციდენტის დროს, საარჩევნო პროცესი 20.00 საათამდე შეწყდა და ამომრჩეველს საკუთარი ნების გამოხატვის საშუალება აღარ მიეცა. ვითარება ყიზილაჯლოში არჩვნების დასრულებამდე 2 საათით ადრე უკიდურესად დაიძაბა. 48-ე უბანზე სპეცრაზმი იყო მობილიზებული.