ამ წუთებში "ქართული ოცნების" ოფისში ზოგიერთი სამინისტროსა და მინისტრის ბედი წყდება - პალიტრა ვიდეო

არსებული ინფორმაციით, "ქართული ოცნება -დემოკრატიული საქართველოს" ოფისში კონსულტაციები მიმდინარეობს. შეხვედრას სავარაუდოდ, საქართველოს პრემიერ-მინისტრი გიორგი კვირიკაშვილი ხელმძღვანელობს. არსებული ინფორმაცია არ უარყო პარტიის ერთ-ერთმა წევრმა მამუკა მდინარაძემ.
მისივე თქმით, მსგავსი ტიპის კონსულტაციები ყოველდღე გაიმართება, თუმცა, ჯერ ახალი გადაწყვეტილება პარტიის შიგნით მიღებული არ არის.
არსებული ინფორმაციით, კონსულტაციები სამინისტროების ოპტიმიზაციას და მომავალ პოლიტიკურ დღის წესრიგს ეხება.