რა ხდება ახლა ახმეტელის მეტროსთან ძლიერი წვიმისა და სეტყვის გამო - კადრები კომენტარის გარეშე - პალიტრა ვიდეო

გლდანის, მუხიანისა და დიდი დიღომის შემდეგ საბურთალოც დაისეტყვა. სეტყვა და ძლიერი წვიმა რამდენიმე წუთის განმავლობაში გრძელდებოდა.

კადრები, რომელსაც უყურებთ, ახმეტელის მეტროსთან 15:00-ზეა გადაღებული და ის Palitravideo.ge-ს თვითმხილველმა მიაწოდა.

ბოლო განახლება| ძლიერმა წვიმამ სოფელ ძველ ვეძისში გზა დააზიანა. ადგილზე ჯგუფი და სპეციალური ტექნიკა გაიგზავნება.

გამოკეთდება თუ არა ამინდი:
გარემოს ეროვნული სააგენტოს ინფორმაციით, 10-12 ივნისს საქართველოში ცვალებადი, წვიმიანი ამინდი იქნება.
კერძოდ, 10 ივნისის დღის მეორე ნახევრიდან 12 ივნისამდე საქართველოში მოსალოდნელია წვიმა და ელჭექი, ზოგან ძლიერი. ასევე, მოსალოდნელია სეტყვა და დასავლეთის მიმართულების დროგამოშვებით ძლიერი ქარი.

რა ხდება რეგიონებში:
ძლიერმა წვიმამ და სეტყვამ კახეთის რეგიონი დააზარალა
სეტყვამ განსაკუთრებული ზიანი საგარეჯოს რაიონს მიაყენა. არსებული ინფორმაციით, დაახლოებით 20 წუთის განმავლობაში გრძელდებოდა სეტყვა საგარეჯოსა და მის მიმდებარე სოფლებში. სეტყვის შედეგად განსაკუთრებული ზიანი მიადგა სოფელ გიორგიწმინდას. ამ დროის მონაცემებით, განადგურებულია სახნავ-სათესები და ვენახები.
ფოტომასალა რეგიონებიდან, სადაც სეტყვამ ძირითადად საგარეჯოსა და ბეთანიას გადაუარა [ფოტოები სოცმედიიდან]



16: 25 | ძლიერ გაწვიმდა საბურთალოზეც, იყო სეტყვაც