სასაკლაო ბრაზილიის ციხეში - ამბოხებას ახალი წლის ღამეს 60 ადამიანი ემსხვერპლა (+18) - პალიტრა ვიდეო

ბრაზილიაში, ქალაქ მანაუსში ციხეში ამბოხების შედეგად 60 ადამიანი დაიღუპა, - იუწყება ბრაზილიური ტელეარხი Globo. გავრცელებული ინფორმაციით, ციხეში ამბოხება კვირას დაიწყო და 17 საათი გრძელდებოდა. ამბოხების ჩახშობა მხოლოდ გუშინ მოხერხდა.

ამბოხება ციხეში მყოფი ორი ბანდის ერთმანეთთან დაპირისპირებით დაიწყო.
"ყველაფერი იმაზე მიუთითებს, რომ ეს იყო დიდი დაჯგუფების თავდასხმა პატარა დაჯგუფებაზე კონკურენციის აღმოფხვრის მიზნით", - განაცხადა ამაზონიის საზოგადოებრივი უსაფრთხოების მდივანმა სერჟიუ ფონტესმა.
აღსანიშნავია, რომ ამბოხების შედეგად ციხიდან 130 პატიმარი გაიქცა.