კიმ კარდაშიანის დაყაჩაღების ბრალდებით პარიზში 16 ადამიანი დააკავეს
კიმ კარდაშიანის დაყაჩაღების საქმეზე პარიზში 16 ადამიანი დააკავეს. ინფორმაციას ამის შესახებ საფრანგეთის ძალოვან უწყებაზე დაყრდნობით, საერთაშორისო მედია ავრცელებს. როგორც ცნობილია, 2016 წლის ოქტომბერში კარდაშიანს პოლიციის ფორმაში ჩაცმული დაუდგენელი პირები თავს დაესხნენ და 9 მილიონი ევროს ღირებულების ძვირფასეულობა წაართვეს. გამოძიება აცხადებს, რომ დამნაშავეების კვალზე დნმ-ის ანალიზის საშუალებით გავიდნენ, რომელიც ბოროტმოქმედებმა დანაშაულის ადგილზე დატოვეს.