X
აღმოჩენა კახეთში - ივრის ნაპირზე, სავარაუდოდ, ანტიკური ხანის ნაქალაქარი აღმოაჩინეს
11:52 / 08-01-2017
საქართველოს კულტურული მემკვიდრეობის დაცვის ეროვნული სააგენტოს ინფორმაციით, კახეთში აქამდე უცნობი არქეოლოგიური ობიექტია აღმოჩენილი. ამის შესახებ ინფორმაციას სააგენტოს საზოგადოებასთან ურთიერთობის სამსახური ავრცელებს. როგორც განცხადებაში ვკითხულობთ, ობიექტი ივრის ნაპირზე, კოწახურას ქედის სამხრეთ-აღმოსავლეთით მდებარეობს:
"2016 წელს, საქართველოს კულტურული მემკვიდრეობის დაცვის ეროვნული სააგენტოს მონიტორინგის ჯგუფმა, აქამდე უცნობი არქეოლოგიური ობიექტი დააფიქსირა, რომელიც კახეთში, ივრის ნაპირზე, კოწახურას ქედის სამხრეთ-აღმოსავლეთით მდებარეობს. სავარაუდოდ ობიექტი ანტიკური ხანის ნაქალაქარს წარმოადგენს, რომელთანაც ბრინჯაოს ხანის ყორღანი მდებარეობს და რომლის მასშტაბიც, აქამდე შესწავლილ ყორღანებს აღემატება.
გავრცელებულია 2,5 ჰექტარზე, თუმცა არქეოლოგიური შესწავლის შემდეგ არ არის გამორიცხული მისი ფართობის ცვლილება. დანგრეულია მიწისპირზე და ამჟამად მხოლოდ კონტურები იკითხება. ესაა ალიზის ნაგებობებით დაგეგმარებული კომპლექსი. ალიზის კედლების სისქე 1-1.2 მეტრს შორის მერყეობს. ნაგებობათაგან ნაწილი წრიულია, ნაწილი კი მართკუთხა. ალიზის კედლებს ეტყობათ ძლიერი ხანძრის კვალი. ზედაპირული დაზვერვით დაფიქსირებულ მასალას თიხის ბათქაშები, წითელი საღებავით მოხატული ჭურჭლის ფრაგმენტები და სალესი ქვები შეადგენს. აღმოსავლეთით, მის მომიჯნავედ, 115 მ დიამტერისა და დაახლოებით 20მ სიმაღლის ყორღანია" - ვკითხულობთ სააგენტოს მიერ გავრცელებულ ინფორმაციაში.
კულტურული მემკვიდრეობის დაცვის ეროვნულ სააგენტოში განმარტავენ, რომ 2017 წელს დაგეგმილია კომპლექსის კვლევის დაწყება, რომელშიც ჩართულები იქნებიან საერთაშორისო წამყვანი არქეოლოგიური ინსტიტუციები.
ბოლო სიახლეები
Autoplay
პოპულარული
"აპოკალიფსი" გორში - რა კადრები გადაიღო თვითმხილველმა
მეძავების შვილების მიმართვა უცნობ მამებს - რეპორტაჟი "დაცემული ანგელოზების ქალაქიდან"
დრამატული კადრები ვაგზლის მოედნიდან, რომელიც გვიჩვენებს, რომ იქ სიბინძურეს გარევაჭრობის აკრძალვამაც ვერაფერი უშველა
რას წერენ გულგატეხილი ქართველი ვარსკვლავები "ევროვიზიაზე" თამარა გაჩეჩილაძის დამარცხების შემდეგ
მეზრდება შვილი და არ მინდა ინცესტის მსხვერპლი გახდეს - თამუნა მუსერიძის მძიმე ისტორია
როგორ ცხოვრობს მერაბ ამზოევი ულამაზეს მეუღლესთან ერთად
Fox News-ის წამყვანს შეეშალა და გადაცემა ინგლისურის ნაცვლად რუსულად დაიწყო
"სულ სექსი, სექსი, სექსი არ გამიგია... ამ ხალხს, მგონი, მეტი საქმე არ აქვს, სექსის გარდა" - აღშფოთებული მსმენელი "კავკასიის" ეთერში