ევროპის რეკონსტრუქციისა და განვითარების ბანკი, ადგილობრივ ვალუტაში დაფინანსების მექანიზმის ფარგლებში, "საქართველოს ბანკს" 100 მილიონ დოლარს გამოუყოფს. მიღებული დაფინანსებით მცირე და საშუალო ბიზნესზე კრედიტების გაცემა ადგილობრივ ვალუტაში მოხდება, მათი ვადიანობა კი 5 წლამდე იქნება. "საქართველოს ბანკსა" და EBRD-ს შორის გაფორმებული ხელშეკრულებით, ევრობანკისა და ევროკავშირის ერთობლივი პროგრამის პირველი ეტაპი დაიწყო, რომლის ფარგლებში მცირე და საშუალო ბიზნესის წარმომადგენლებს საკუთარი წარმოების განვითარება შეეძლებათ. პროგრამა ასევე მეწარმეების ტექნიკურ დახმარებას ითვალისწინებს.