მთიანი ყარაბაღის ე.წ. თავდაცვის სამინისტრო დაღუპულების შესახებ ახალ ინფორმაციას ავრცელებს
"ყარაბაღი აზერბაიჯანია! აზერბაიჯანის შეიარაღებულმა ძალებმა დროშა ხუდაფერინის ხიდზე აღმართეს" - ილჰამ ალიევი
"მოქალაქეები ნანგრევების ქვეშ არიან მოყოლილი" - დაღუპულია 12 და დაშავებულია 40 ადამიანი, სომხეთმა ქალაქ განჯაზე ბალისტიკური რაკეტების გამოყენებით თავდასხმა განახორციელა
"თუ ომი გაგრძელდება, სომხეთის მთელ არმიას გავანადგურებთ!" - ილჰამ ალიევი
"ყარაბაღში ცეცხლის შეწყვეტის შესახებ შეთანხმება დროებითია" - აზერბაიჯანის საგარეო საქმეთა მინისტრი
სომხეთი და აზერბაიჯანი ერთმანეთს ცეცხლის შეწყვეტის შეთანხმების შეუსრულებლობაში ადანაშაულებენ
აზერბაიჯანთან დაპირისპირებას კიდევ 26 ჯარისკაცის სიცოცხლე ემსხვერპლა, - ამის შესახებ სომხური მედია ინფორმაციას არაღიარებული მთიანი ყარაბაღის ე.წ. თავდაცვის არმიაზე დაყრდნობით ავრცელებს.
არაღიარებული მთიანი ყარაბაღის თავდაცვის ე.წ. არმიის ინფორმაციით, 27 სექტემბრის შემდეგ კონფლიქტის შედეგად დაღუპული სამხედროების რაოდენობა 376-მდე გაიზარდა.
2020 წლის 31 აგვისტოს მონაცემებით, საქართველოს სახელმწიფო საგარეო ვალმა 6,758 მლრდ დოლარს, ანუ 20,746 მლრდ ლარს გადააჭარბა, რაც წინა თვესთან შედარებით, 164,248 მლნ დოლარით მეტია.
კერძოდ, 2020 წლის 31 ივლისის მონაცემებით, საქართველოს სახელმწიფო საგარეო ვალი 6,594 მლრდ დოლარს, ანუ 20,257 მლრდ ლარს აჭარბებდა.
ჩვენი პოზიცია უცვლელია, ყარაბაღის საკითხი ძალადობის გზით არ უნდა გადაიჭრას, - ამის შესახებ სომხეთის პრემიერ-მინისტრმა ნიკოლ ფაშინიანმა „ევრონიუსთან“ ინტერვიუში განაცხადა.
„ჩვენი პოზიცია უცვლელია, ყარაბაღის საკითხი ძალადობის გზით არ უნდა გადაიჭრას, ძალადობის გზით არანაირი გამოსავლის პოვნა არაა შესაძლებელი. თუმცა აზერბაიჯანის პოლიტიკა არის ყარაბაღის საკითხის ძალადობრივად გადაწყვეტა. სომხეთი კომპრომისისთვის ყოველთვის მზად იყო. აზერბაიჯანი არის მხარე, რომელსაც არანაირი კომპრომისი არ სურს. მათთვის გამოსავალი არის, რომ ყარაბაღელი სომხები გადასახლდნენ. ისინი ყარაბაღის მიღებას ეთნიკური წმენდის გზით აპირებენ“, - აღნიშნა ფაშინიანმა.
აზერბაიჯანელი სამხედროები ქალაქ სტეპანაკერტსა და მთიანი ყარაბაღის სხვა სამოქალაქო დასახლებებზე თავდასხმას განაგრძობენ, - ამის შესახებ სომხეთის თავდაცვის უწყების ოფიციალურმა წარმომადგენელმა არცრუნ ჰოვანისიანმა განაცხადა.
სომხური მედიის ცნობით, არაღიარებული მთიანი ყარაბაღის პრეზიდენტის პრესსპიკერმა ვაჰრან პოღოსიანმა გაავრცელა ინფორმაცია მთიანი ყარაბაღის „თავდაცვის არმიის მიერ მტრის ტერორისტული არმიის ულმობლად განადგურების“ შესახებ.
სომხეთის პრემიერ-მინისტრი ნიკოლ ფაშინიანი აცხადებს, რომ მთიანი ყარაბაღი სომხეთის ტერიტორიაა, ვინაიდან მისი მოსახლეობის 80 პროცენტი ყოველთვის სომხები იყვნენ.
„აზერბაიჯანს არ სურს, რომ სომხები მთიან ყარაბაღში ცხოვრობდნენ და ამიტომ ის ტერორისტების დახმარებით თავს დაესხა ყარაბაღს. რას გვთავაზობენ? მთიანი ყარაბაღის სომხებმა უნდა თქვან, „კარგი, რადგან ტერორისტები ხართ, უარს ვიტყვით ჩვენს ფესვებზე“ - ეს არასდროს მოხდება“, - განაცხადა სომხეთის პრემიერ-მინისტრმა BBC-სთან ინტერვიუში.
სომხეთის პროვოკაციის შედეგად დაღუპულია 27 და დაშავებულია 141 მშვიდობიანი მოქალაქე, - ამის შესახებ ინფორმაციას აზერბაიჯანის გენერალური პროკურატურა ავრცელებს.
უწყების ცნობით, საომარი მოქმედებების დაწყებიდან დღემდე სერიოზულად დაზიანდა 63 სამოქალაქო ობიექტი და 376 საცხოვრებელი სახლი.
შეგახსენებთ, მთიან ყარაბაღში საბრძოლო მოქმედებები 27 სექტემბრის შემდეგ არ წყდება. დაღუპული და დაშავებულია ასობით ადამიანი, მათ შორის, მშვიდობიანი მოქალაქეები. სომხური და აზერბაიჯანული მხარეები სიტუაციის ესკალაციაში ერთმანეთს ადანაშაულებენ.
აშშ-ის სახელმწიფო მდივანმა მაიკ პომპეომ, საფრანგეთის საგარეო საქმეთა მინისტრმა ჟან ივ ლე დრიანმა და რუსეთის საგარეო საქმეთა მინისტრმა სერგეი ლავროვმა, რომლებიც ეუთო-ს მინსკის ჯგუფის თანათავმჯდომარე ქვეყნებს წარმოადგენენ, ერთობლივი განცხადება გაავრცელეს და მთიანი ყარაბაღის კონფლიქტის მხარეებს ცეცხლის დაუყოვნებლივ და უპირობოდ შეწყვეტისკენ მოუწოდეს.
სოციალურ ქსელ "ტვიტერში" ვრცელდება ვიდეო, რომელშიც არაღიარებული მთიანი ყარაბაღის რესპუბლიკის დედაქალაქის, სტეპანაკერტის დაბომბვა ჩანს. ვიდეო გადაღებულია ერთ-ერთ ქუჩაზე გაჩერებული ავტომობილის ვიდეორეგისტრატორით.
ფაშინიანი ყოველდღე მსოფლიოს რომელიმე ლიდერს ურეკავს, ყოველდღე! მე კი არავისთვის დამირეკავს, მე მაქვს კონტაქტები და მათ თავად დამირეკეს, - ამის შესახებ აზერბაიჯანის პრეზიდენტმა ილჰამ ალიევმა განაცხადა. მისივე თქმით, მთიან ყარაბაღში შექმნილი მდგომარეობა სომხეთის პრემიერ-მინისტრის პროვოკაციული ქმედებების შედეგია.
„ჩვენ მათ ძაღლებივით ვაძევებთ! აზერბაიჯანელი ჯარისკაცები მათ ძაღლებივით დევნიან! აზერბაიჯანის დროშა აღმართულია ოკუპირებულ ტერიტორიებზე! მათი პოსტები ჩვენს ხელშია! ჩვენ მათ ტანკებს ვმართავთ! მათი სხვა იარაღები ჩვენს ხელშია, მათი სატვირთო მანქანები ჩვენს ხელშია!“ - აღნიშნა ალიევმა.
მისივე თქმით, აზერბაიჯანი მთიანი ყარაბაღის ოკუპაციას ვერასდროს შეეგუება.
როგორ ბომბავს აზერბაიჯანი ყარაბაღის დედაქალაქს - სტეპანაკერტის მშვიდობიანი მოსახლეობა ომის შედეგებს ითვლის
აზერბაიჯანულმა მხარემ მთიანი ყარაბაღის ქალაქ ჰადრუტის მიმართულებით, მშვიდობიანი მოსახლეობის წინააღმდეგ, Smerch-ის ტიპის რაკეტით თავდასხმა განახორციელა.
სომხური მედიის ინფორმაციით, ამის შესახებ ქვეყნის თავდაცვის უწყების ოფიციალური წარმომადგენელი არცრუნ ჰოვანისიანი სოციალურ ქსელ „ფეისბუქში“ წერს. მისივე ინფორმაციით, არიან დაჭრილები.
ფრონტის სხვადასხვა მიმართულებით საბრძოლო ოპერაციები გრძელდება, - ამის შესახებ ინფორმაციას აზერბაიჯანული მედია ქვეყნის თავდაცვის უწყებაზე დაყრდნობით ავრცელებს.
მათივე ინფორმაციით, აზერბაიჯანელმა სამხედროებმა „აღდარას მიმართულებით, მადაგიზის გარშემო მტრისგან მნიშვნელოვანი სიმაღლეები გაათავისუფლეს“.
„ჩვენი ჯარები ოპერატიულ ვითარებას მუროვის მთაზეც აკონტროლებენ“, - აცხადებენ აზერბაიჯანის თავდაცვის უწყებაში.
მათი ინფორმაციით, აზერბაიჯანულმა ძალებმა გასული ღამის განმავლობაში, 00:00-დან 07:00 საათამდე პერიოდში, სომხური მხარის 5 ჯავშანმანქანა, 3 სამხედრო ინფრასტრუქტურული ობიექტი და პირადი შემადგენლობის დიდი რაოდენობა გაანადგურეს.
კადრები, თუ როგორ ბომბავდა აზერბაიჯანის შეიარაღებული ძალები სომხეთს
