ვანო მერაბიშვილის ადვოკატი არ გამორიცხავს, რომ მირზა სუბელიანმა მოწმეები აწამა - პალიტრა ვიდეო

შს ყოფილი მინისტრის, ვანო მერაბიშვილის ადვოკატი არ გამორიცხავს, რომ მისი დაცვის ქვეშ მყოფის საქმეებზეც მირზა სუბელიანმა მოწმეები აწამა და ისე მიაცემინა მამხილებელი ჩვენებები. ამის შესახებ ვანო მერაბიშვილის ადვოკატმა გიორგი ჩივიაშვილმა "პალიტრანიუსის" გადაცემა "360 გრადუსში" განაცხადა.

როგორც ჩივიაშვილმა აღნიშნა, მოწმეებზე ზემოქმედება შესაძლოა იმ საქმეებზე განხორციელდა, რომლებზეც მერაბიშვილის მიმართ უკვე განაჩენია გამოტანილი.