"ხელშეუხებელი ამ ქვეყანაში არავინაა" - კახა კალაძე ფარცხალაძისთვის ბრალის წარდგენაზე - პალიტრა ვიდეო

ხელშეუხებელი ამ ქვეყანაში არავინაა, - ასე გამოეხმაურა თბილისის მერი და პარტია "ქართული ოცნების" გენერალური მდივანი კახი კალაძე ჟურნალისტების კითხვას ყოფილი მთავარი პროკურორის, ოთარ ფარცხალაძისთვის ბრალის წაყენების შესახებ.

მისივე თქმით, კანონის წინაშე პასუხი უნდა აგოს ყველამ, ვისაც დანაშაული აქვს ჩადენილი. "ოთარ ფარცხალაძეს რაც შეეხება, ამასთან დაკავშირებით განცხადებას პროკურატურა გააკეთებს. თუ ვინმეს აქვს რაიმე დანაშაული კანონის წინაშე, ყველას მოეთხოვება პასუხი და ყველა აგებს პასუხს კანონის წინაშე", - განაცხადა კალაძემ.