X
აღელვებული დავით ქაცარავას პირდაპირი რეპორტაჟი და სუს-ის საპირისპირო განცხადება ხურვალეთში მიმდინარე მოვლენებზე - რა ხდება საოკუპაციო ხაზზე
15:50 / 15-03-2019
სამოქალაქო აქტივისტი დავით ქაცარავა საოკუპაციო ხაზიდან პირდაპირი ჩართვისას აცხადებს, რომ ითხოვს მთავრობის წევრებისა და ძალოვანი უწყებების მობილიზებას ხურვალეთში. "ბევრი რომ არ ვილაპარაკო, რუსები შემოსულები არიან ჩვენს კონტროლირებად ტერიტორიაზე", - ამბობს ქაცარავა.

მისგან განსხვავებულ პოზიციაზეა საქართველოს სახელმწიფო უსაფრთხოების სამსახური, რომელიც არ ადასტურებს ინფორმაციას, რომ საოკუპაციო რეჟიმის წარმომადგენლები სოფელ ხურვალეთთან, საქართველოს ცენტრალური ხელისუფლების მიერ კონტროლირებად ტერიტორიაზე იმყოფებიან. გავრცელებულ ინფორმაციაზე სუს-მა კომენტარი „ინტერპრესნიუსთან“ საუბრისას გააკეთა.

"ამ ეტაპზე არსებული ინფორმაციით არ დასტურდება ის ფაქტი, რომ საოკუპაციო რეჟიმის წარმომადგენლები იმყოფებიან საქართველოს ცენტრალური ხელისუფლების მიერ კონტროლირებად ტერიტორიაზე. კონკრეტული პირების მიერ გავრცელებული ინფორმაციის გადამოწმება ცხელი ხაზის მეშვეობით მიმდინარეობს. ინფორმირებულია ევროკავშირის სადამკვირვებლო მისია და ყველა საერთაშორისო პარტნიორი.
სახელმწიფო უსაფრთხოების სამსახური მოუწოდებს ყველას, თავი შეიკავონ პროვოკაციული განცხადებებისგან.
საოკუპაციო ძალების მხრიდან განხორციელებული ნებისმიერი აქტივობა ძაბავს ადგილზე არსებულ უსაფრთხოების გარემოს", - განაცხადეს სუს-ში.
ბოლო სიახლეები
Autoplay
პოპულარული
მომენტი, როცა ლადო ბედუკაძეს ინტერვიუს დროს სანთებელა ესროლეს
რა დაგვიჯდა ავლაბრის რეზიდენციის შენახვა ზურაბიშვილის არჩევიდან დღემდე - "უპატრონო სასახლის" კოლოსალური ხარჯები
ჩინური ენის სწავლება სკოლებში მე-5 კლასიდან დაიწყება
როგორ გამოიყურება ახალი ჰუავეი Mate X, რომელმაც სულ რამდენიმე საათის წინ, იხილა დღის სინათლე