X
რა მდგომარეობაშია პარიზის ღვთისმშობლის ტაძარი ახლა, ძლიერი ხანძრის შემდეგ
09:46 / 16-04-2019
პარიზში ღვთისმშობლის ტაძართან ამ დრომდე რჩებიან მეხანძრეები და საგანგებო სიტუაციის სამსახურის სხვა წარმომადგენლები. ისინი ცეცხლის ბოლომდე ლიკვიდაციას და შენობის არქიტექტურის გადარჩენას ცდილობენ. 850 წლის გოთიკურ ტაძარში ხანძარმა სახურავი დააზიანა, თუმცა მთავარი სტრუქტურა, მათ შორის ორი სამრეკლო გადარჩა.

პარიზის ერთ-ერთ მთავარ ღირსშესანიშნაობაში ხანძარი გუშინ საღამოს გაჩნდა. ხანძრის გამომწვევი მიზეზი უცნობია. გავრცელებული ცნობით, იგი შესაძლოა უკავშირდებოდეს სარესტავრაციო სამუშაოებს.

საფრანგეთის პრეზიდენტმა ემანუელ მაკრონმა მომხდარს საშინელი ტრაგედია უწოდა. მისივე თქმით, უფრო ცუდის აცილება მოხერხდა. მაკრონი პირობას დებს, რომ დაიწყებს საერთაშორისო კამპანიას საჭირო თანხების შესაგროვებლად, რათა ტაძრის ხელახლა აშენება მოხდეს.

ნოტრ-დამში გაჩენილ ხანძარს მალევე გამოეხმაურნენ მსოფლიო ლიდერები. გერმანიის კანცლერმა ანგელა მერკელმა პარიზის ღვთისმშობლის ტაძარს საფრანგეთის კულტურის სიმბოლო უწოდა, დიდი ბრიტანეთის პრემიერმა ტერეზა მეიმ კი აღნიშნა, რომ მისი ფიქრები ახლა ფრანგ ხალხთანაა.
ბოლო სიახლეები
Autoplay
პოპულარული
რა ხდება ვალუტის ჯიხურებში მას შემდეგ, რაც ლარი ისტორიულ მინიმუმამდე დაეცა
"კაცს დაგიყენებ, როგორ შიმშილობ, უნდა შეგამოწმოო! - ეს მღვდელია?!.." - უგულავა მამა დავით ისაკაძეზე
რუსი ოლიგარქის აღშფოთებული ქართველი ცოლის ლაივ-ჩართვა "რ2"-ის ოფისთან - "თავს კოშმარულად ვგრძნობ, გეგონება შემაფურთხეს"