"დანა უნდა დამარტყას, ჩემს სისხლში უნდა ვიცურაო" - რას ჰყვება აქციის ორგანიზატორი გიგა მაქარაშვილი მუქარის მესიჯებზე - პალიტრა ვიდეო

პარლამენტის შენობის წინ მიმდინარე აქციის ერთ-ერთი ორგანიზატორის, გიგა მაქარაშვილის გამოკითხვა დასრულდა. მაქარაშვილმა ძველი თბილისის რაიონული პოლიციის განყოფილება რამდენიმე წუთის წინ დატოვა. როგორც მან ჟურნალისტებთან საუბრისას განაცხადა, მუქარის შემცველი გზავნილის ავტორი შს სამინისტროს უკვე იდენტიფიცირებული ჰყავს და მათგან შესაბამის სამართლებრივ რეაგირებას ელოდება.

მაქარაშვილი განმარტავს, რომ პოლიციას იმ მოტივით მიმართა, რომ მუქარის ავტორი მის მოკვლას დეტალურად აღწერდა, თუმცა აღნიშნავს, რომ მკვლელობის განხორციელებაში ეჭვი ეპარება.

ავტორი: ნიკა საჯაია