ნინოწმინდის ბაღების გაერთიანების დირექტორი დეპუტატ ენზელ მკოიანს სექსუალურ შევიწროებასა და ანგარიშსწორებაში ადანაშაულებს
ნინოწმინდის ბაღების გაერთიანების დირექტორი ნარინე გინოსიანი, რომელსაც გამოძიება საბიუჯეტო თანხების მითვისებასა და გაფლანგვას ედავება, საქართველოს პარლამენტის წევრს, დეპუტატ ენზელ მკოიანს სექსუალურ შევიწროებასა და ანგარიშსწორებაში ადანაშაულებს. როგორც გინოსიანის ადვოკატი მირიან ნიკოლაძე აცხადებს, გამოძიება და პროკურატურა პარლამენტის წევრს, ენზელ მკოიანს ხელს აფარებს. ადვოკატის მტკიცებით, მკოიანი ნარინე გიონოსიანის ინტიმურ ურთიერთობაზე დაყოლიებას ცდილობდა და მისგან უარის მიღების შემდეგ ანგარიშსწორებით დაემუქრა.