X
სასტიკად დაჭრილი რწმუნებულის შვილი მართვით სუნთქვაზეა - რას ამბობს ექიმი
14:27 / 02-11-2019
სოფელ მირზაანის რწმუნებულის შვილი მართვით სუნთქვაზე იმყოფება. ამის შესახებ ჟურნალისტებს ღუდუშაურის კლინიკის ექიმმა, მამუკა კაპანაძემ განუცხადა. მისი ინფორმაციით, პაციენტი ინტენსიური თერაპიის განყოფილებაშია მოთავსებული.

„პაციენტი გუშინ საღამოს კატასტროფის ბრიგადამ სიღნაღის საავადმყოფოდან გადმოიყვანა, პაციენტს კლინიკაში ოპერაცია გუშინ ჩაუტარდა. დღეს მისი მდგომარეობა მეტ-ნაკლებად სტაბილურია, თუმცა აგრძელებს მკურნალობას ინტენსიური თერაპიის განყოფილებაში.რაც შეეხება მკლავის ამპუტაციის საკითხს, ამის საჭიროება ჯერჯერობით არ დგას", - განაცხადა მამუკა კაპანაძემ.

შეგახსენებთ, რომ გუშინ, სოფელ ქვემო ბოდბეში სოფელ მირზაანის რწმუნებულის აკაკი თარაშვილის შვილი, კობა თარაშვილი დაჭრეს. დაჭრილი თავდაპირველად სიღნაღის კლინიკაში, ხოლო შემდეგ თბილისში, ღუდუშაურის კლინიკაში გადმოიყვანეს.

შინაგან საქმეთა სამინისტროს კახეთის პოლიციის დეპარტამენტის თანამშრომლებმა მომხდარ ფაქტზე 1 პირი - 1963 წელს დაბადებული პ.მ. დააკავეს. დანაშაული 3-დან 6 წლამდე ვადით თავისუფლების აღკვეთას ითვალისწინებს.
ბოლო სიახლეები
Autoplay
პოპულარული
"არაფერი არ მიცხოვრია, განადურებული ვარ" - რას ჰყვება 22 წლის ხაშურელი ქალი, რომელმაც ტყუპი გოგონა გააჩინა, შინ დაბრუნებულს კი მეუღლე გარდაცვლილი დახვდა
ვინ არის ქართველი მხატვარი, რომელმაც კოსმოსში გამოფენა მოაწყო - ნახეთ უნიკალური ვიდეომასალა სტრატოსფეროდან
ჩხუბი და დასისხლიანებული მონაწილეები რუსულ არხზე - პოლიციამ სტუდიაშივე დააკავა მამაკაცი, რომელსაც 14 წლის გოგონას შეცდენას აბრალებენ
სროლის ვიდეო, რომელიც შაქრო კალაშოვის დაჭერის საფუძველი გახდა - როგორ ჩაცხრილეს "კანონიერი ქურდის" თანამზრახველები მოსკოვში (+18)