loader

"ფრენისას ის შეუძლოდ გახდა" - ალექსეი ნავალნი, სავარაუდოდ, მოწამლეს - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

"ფრენისას ის შეუძლოდ გახდა" - ალექსეი ნავალნი, სავარაუდოდ, მოწამლეს

რუსი ოპოზიციონერი ალექსეი ნავალნი, სავარაუდოდ, მოწამლეს, - ინფორმაციას BBC ნავალნის პრესმდივანზე დაყრდნობით ავრცელებს. ნავალნის პრესსპიკერის განმარტებით, პოლიტიკოსი რეანიმაციაში უგონო მდგომარეობაში იმყოფება.

ნავალნის პრესმდივანმა კირა იარმიშმა "ტვიტერზე" დაწერა, რომ ფრენის დროს პოლიტიკოსი შეუძლოდ გახდა და თვითმფრინავმა რუსეთის ქალაქ ომსკში საგანგებო დაშვება განახორციელა.

"დღეს დილით ნავალნი ტომსკიდან მოსკოვში ბრუნდებოდა. ფრენისას ის შეუძლოდ გახდა. თვითმფრინავი საგანგებოდ დაეშვა ომსკში. მას აღენიშნება ტოქსიკური მოწამვლა", - დაწერა იარმიშმა "ტვიტერში".

მომდევნო პოსტში მან განმარტა, რომ რუსი პოლიტიკოსი კვლავ უგონო მდგომარეობაშია და ხელოვნურ სუნთქვაზე გადაიყვანეს. ამასთან, მათივე მოთხოვნით, საავადმყოფოში პოლიცია გამოიძახეს.

"ერთი წლის წინ, როდესაც იგი დაკავებული იყო, მოწამლეს. ცხადია, რომ ამჯერადაც მას იგივე გაუკეთეს. ჩვენ ვვარაუდობთ, რომ იგი მოწამლეს რაღაცით, რაც ჩაიში გაურიეს. ეს ერთადერთი იყო, რაც მან დილიდან მიიღო." - აღნიშნა პრესსპიკერმა კომენტარებში.

ცნობისთვის, გასულ წელს, როდესაც ალექსეი ნავალნი არასანქცირებული საპროტესტო აქციების ორგანიზების ბრალდებით იყო დაკავებული, მისი მოწამვლის შესახებ ასევე გავრცელდა ინფორმაცია.