როგორ გამოიყურება პარლამენტის მიმდებარე ტერიტორია რეაბილიტაციის დასრულების შემდეგ
პარლამენტის მიმდებარე ტერიტორიის რეაბილიტაცია დასრულდა. ამის შესახებ თბილისის მერის, კახა კალაძის ოფიციალურ "ფეისბუქგვერდზე" გამოქვეყნებულ ინფორმაციაშია ნათქვამი. რეაბილიტაცია თითქმის 7 თვის განმავლობაში მიმდინარეობდა. როგორც მერიის მიერ გავრცელებულ ოფიციალურ ინფორმაციაშია აღნიშნული, ამ პერიოდის განმავლობაში, დაახლოებით, 2 000 კვ.მ ფართობზე მოხდა ძველი, ამორტიზებული ფილების დემონტაჟი, შეიცვალა წყალგაყვანილობა, მოწესრიგდა სანიაღვრე სისტემა, მოეწყო რკინა-ბეტონის არმირებული ფილა და ჰიდროიზოლაციის ფენა, პერიმეტრი კაბელარხებით დაიქსელა და ტერიტორია მოპირკეთდა ბუნებრივი ქვის ფილებით. ფილებს შორის დამონტაჟდა დეკორატიული სანათი...