"სტრატეგია აღმაშენებელი" 55 000 ლარით დააჯარიმეს
"სტრატეგია აღმაშენებლის" სპიკერი თეონა აქუბარდია თბილისის მუნიციპალური სამსახურის მიერ გამოწერილ 55 ათასი ლარის ჯარიმას უკანონოს უწოდებს და მიაჩნია, რომ ხელისუფლება წინასაარჩევნოდ ოპოზიციური პარტიების შევიწროებას განაგრძობს. მისივე განცხადებით, თუ თბილისის მერია დღეს არ დააკმაყოფილებს პოლიტიკური პარტიის საჩივარს აღნიშნულ უკანონო ქმედებასთან დაკავშირებით, პარტიის ინტერესების დაცვის მიზნით სხვა ინსტანციას მიმართავს.