"კოვიდდადებითთა სიას მეც შევუერთდი" - "ქართული ოცნების" წევრს კორონავირუსი დაუდგინდა - პალიტრა ვიდეო

საპარლამენტო უმრავლესობის წევრს, ნინო წილოსანს კორონავირუსი დაუდგინდა. აღნიშნულის შესახებ წილოსანი სოციალურ ქსელში წერს.

„კოვიდდადებითთა სიას მეც შევუერთდი, პასუხი დღეს მოვიდა... ახლა ყველაზე მეტად ჩემ ირგვლივ მყოფები მადარდებს და მეფიქრება, ეს ის პასუხისმგებლობაა, რაც ყველას უნდა გვახსოვდეს. მიუხედავად იმისა, რომ ყველა რეკომენდაციის დაცვით ვცდილობდი ფრთხილად ვყოფილიყავი, ფაქტია, რომ ძალიან ვერაგი ვირუსია. კიდევ ერთხელ გთხოვთ, გამოვიჩინოთ განსაკუთრებული ყურადღება, გავუფრთხილდეთ ჩვენს მშობლებს და ირგვლივ მყოფ ადამიანებს“, - წერს წილოსანი სოციალურ ქსელში.