“შეთანხმება უნდა შედგეს, რადგან ეს არის შეთანხმება ქვეყნის ინტერესებიდან გამომდინარე“ - ხათუნა სამნიძე
„რესპუბლიკური პარტიის“ ლიდერი ხათუნა სამნიძე ევროპული საბჭოს პრეზიდენტის პირად წარმომადგენელ კრისტიან დანიელსონთან შეხვედრის შემდეგ აცხადებს, რომ ხელისუფლებასა და ოპოზიციას შორის მოლაპარაკებების თაობაზე პოზიტიური მოლოდინი აქვს. როგორც მან შეხვედრის დასრულების შემდეგ ჟურნალისტებს განუცხადა, მხარეებს შორის შეთანხმება ქვეყნის ინტერესებიდან გამომდინარე უნდა შედგეს.