loader

"ხელს ვაწერ მომლაპარაკებლის მიერ შემოთავაზებულ შეთანხმებას" - ზურაბ "გირჩი" განცხადებას ავრცელებს - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

"ხელს ვაწერ მომლაპარაკებლის მიერ შემოთავაზებულ შეთანხმებას" - ზურაბ "გირჩი" განცხადებას ავრცელებს

"გირჩი - მეტი თავისუფლების" ლიდერი ზურაბ ჯაფარიძე ხელს აწერს მომლაპარაკებლების მიერ შემოთავაზებულ ხელშეკრულებას. ამის შესახებ მან სოციალურ ქსელში დაწერა. გთავაზობთ სტატუსს უცვლელად:
"ხელს ვაწერ მომლაპარაკებლების მიერ შემოთავაზებულ შეთანხმების ტექსტს.
ხელს ვაწერ სამი რამის გამო:
1. ახალ დოკუმენტში დევს პოლიტპატიმრების გათავისუფლების კონკრეტული მექანიზმები
2. ვითვალისწინებ ჩვენი სტრატეგიული პარტნიორების აზრს
3. არის შანსი შემდეგი ორი საპარლამენტო არჩევნები ჩატარდეს სრულად პროპორციულად და დაბალი ბარიერით, რამაც უნდა დაასრულოს არსებული პოლარიზაცია და ერთპარტიული მმართველობა
- არ მჯერა, რომ ამ დოკუმენტით მოხდება კრიზისის განმუხტვა
- არ მჯერა, რომ ამ დოკუმენტით მართლმსაჯულების სისტემას რამე ეშველება
- არ მჯერა, რომ ამ დოკუმენტით მნიშვნელოვნად გაუმჯობესდება საარჩევნო გარემო
- არ მჯერა, რომ ამ დოკუმენტით მოხდება ძალაუფლების რეალური გადანაწილება ოპოზიციაზე
- არ მჯერა, რომ ამ დოკუმენტით პოლიტიკური დევნა დასრულდება ამ ქვეყანაში
- არც იმის მჯერა, რომ ივანიშვილი და "ოცნება" ამ დოკუმენტის პუნქტებს ზედმიწევნით შეასრულებენ
რისიც მჯერა, არის ბრძოლა, მუდმივი ბრძოლა
ეს ქვეყანა არ გახდება თურქმენეთი, არასდროს
ასევე:
ჩემი ეს გადაწყვეტილება, იმედი მაქვს, მხოლოდ სიმბოლური ხასიათის მატარებელი აღმოჩნდება, რადგან 22-23 აპრილს მაქვს პროცესი საკონსტიტუციო სასამართლოში, სადაც ვითხოვ საქართველოს პარლამენტის იმ დადგენილების არაკონსტიტუციურად ცნობას, რომლითაც უარი მეთქვა მანდატის გაუქმებაზე
ვაპირებ, ეს დავა ბოლომდე მივიყვანო
მანამდე პარლამენტში მონაწილეობას მოვიღებ მხოლოდ შეთანხმების დოკუმენტით გათვალისწინებული საკითხების განხილვა/გატანაში
და ბოლოს:
მადლობა ყველა ჩვენს მეგობარს, ვინც თვეების განმავლობაში ჩართულო იყო მოლაპარაკებების პროცესში
განსაკუთრებით აშშ-ის და ევროკავშირის ელჩებს სქართველოში
არ მგონია ბოლომდე გვქონდეს გააზრებული, რას ნიშნავს ასეთი მეგობრების ყოლა."