ნიაგარის ჩანჩქერი პირველად ქართული დროშის ფერებში განათდა - პალიტრა ვიდეო

კანადაში საქართველოს დამოუკიდებლობის დღის აღნიშვნის ფარგლებში, 26 მაისს, ოტავის დროით საღამოს 9:45 სთ-ზე, კანადის ყველაზე ცნობილი და პოპულარული ტურისტული ღირსშესანიშნაობა ნიაგარის ჩანჩქერი პირველად ქართული დროშის ფერებში განათდა. საელჩომ თავის Facebook-ის გვერდზე პირდაპირი ჩართვის მეშვეობით გააშუქა ეს ფაქტი. ჩანჩქერი საქართველოს დროშის ფერებში 15 წუთი იყო განათებული, რა დროსაც შესრულდა საქართველოსა და კანადის სახელმწიფო ჰიმნები, ქართული ხალხური სიმღერები და საგალობლები: „კახური მრავალჟამიერი“, „შენ ხარ ვენახი“ და „ჩაკრულო“.