ზაფხულის შემდეგ ქვეყანა ისევ რომ არ ჩაიკეტოს, ამირან გამყრელიძე საზოგადოებას რეკომენდაციებით მიმართავს
"თუ გვინდა, რომ ზაფხულში არ გვქონდეს კორონავირუსით ინფიცირების ზრდა, უნდა გავითვალისწინოთ 5 რეკომენდაცია - პირბადე, დისტანცია, სანიტარული წესრიგი, დიდი თავშეყრებისთვის თავის არიდება და ვაქცინაციის ინტენსიფიცირება. თუ ამას ზაფხულში შევასრულებთ, დარწმუნებული ბრძანდებოდეთ, ზაფხულს მშვიდად გავივლით და არ დაგვჭირდება არავითარი ინდიკატორი იმისა, რომ ქვეყანა ჩაიკეტოს", - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალურმა დირექტორმა ამირან გამყრელიძემ მედიისთვის გამართულ ვებინარზე განაცხადა.