“არ ვიცი, რას უნდა დავსწრებოდი, რომ ასე გავღიზიანებულიყავი“ - ვარლამ გოლეთიანი მიმართვას ავრცელებს
ქუთაისის საქალაქო სასამართლომ „ნამახვანჰესის“ მოწინააღმდეგეთა აქციაზე პოლიციელზე თავდასხმაში ბრალდებულ დავით ხუციშვილს პატიმრობა შეუფარდა. ამის შესახებ ვარლამ გოლეთიანმა მიმართვა გაავრცელა.
დაცვის მხარე აქტივისტის აღმკვეთი ღონისძიების გარეშე დატოვებას ითხოვდა, თუმცა მოსამართლემ შუამდგომლობა არ დააკმაყოფილა.
დავით ხუციშვილი 29 მაისის ინციდენტზე 10 ივნისს დააკავეს. პროცესის პარალელურად სასამართლოსთან „ნამახვანჰესის“ მოწინააღმდეგეთა აქცია მიმდინარეობდა. აქციის მონაწილეების თქმით, მათ წინააღმდეგ რეპრესიები მიმდინარეობს.