კახა კალაძე განცხადებას ავრცელებს - პალიტრა ვიდეო

"მეგობრებო, თანამოქალაქენო, მოგიწოდებთ ყველას სიმშვიდისკენ! დაუშვებელია ძალადობა! წარმოუდგენელი ფაქტები ფიქსირდება, თავდასხმები მოზარდებზე, ქალებზე, ტურისტებზეც კი", - ასე ეხმაურება თბილისის მერი კახა კალაძე სოციალურ ქსელში თბილისში დღეს განვითარებულ მოვლენებს.

კალაძის განცხადებით, ასეთი აგრესია დაუშვებელია.

"ჩვენ გვიყურებს საქართველოს მტერიც და მოყვარეც. დაუშვებელია ასე სირბილი ქუჩებში, დაუშვებელია აგრესია. გაითვალისწინეთ ყველამ და გაუფრთხილდით ჟურნალისტებს.

მედია მსოფლიოს ცხელ წერტილებშიც კი ხელშეუხებელია. ჩვენი საზოგადოების სირცხვილია ჟურნალისტების მიმართ გამოხატული უმართავი აგრესია. მიეცით მათ მუშაობის საშუალება", - აცხადებს კალაძე.