“გამოდი კაცურად და თქვი- “ხალხნო მომიტევეთ ჩემი ცოდვები“... მაგრამ ვერ გამოხვალ, პატარა თაგვი მიშიკო ხარ შენ“ - რუსთავის N12 პენიტენციურ დაწესებულებასთან აქცია მიმდინარეობს
რუსთავის N12 პენიტენციურ დაწესებულებასთან მიხეილ სააკაშვილისა და "ნაციონალური მოძრაობის" მოწინააღმდეგეები აქციას მართავენ.
როგორც აქციის მონაწილეები აცხადებენ, ისინი ქუთაისიდან საკუთარი ინიციატივით ჩამოვიდნენ.
"ყველას მივმართავთ, რომ უბრალოდ ხმა მიეცით წესიერ ადამიანს. ესენი რომ ბოგინობდნენ, მაგათ ხელში რომ იყო ყველაფერი, დაინგრა ქვეყანა, შობადობა განახევრდა, გაყვეს ქვეყანა შუაზე და კიდევ აქეთ აქვთ პრეტენზიები. ჩემი მოთხოვნაა, დაეტიონ თავის ტყავში, ხელისუფლების მიმართებაში კიდე, კოჰაბიტაცია რას შემოგვაყარეთ თავზე, დაგვანებეთ თქვენი კოჰაბიტაციით თავი", - განაცხადა აქციის მონაწილემ.
ადგილზე მობილიზებული არიან სამართალდამცავები.
ვიდეო: “ინფო რუსთავი“