“ეს არის სადისტური და ცინიკური შურისძიება მესამე პრეზიდენტის მიმართ“ - ელენე ხოშტარიამ შიმშილობა დაიწყო
გადავწყვიტე, რომ პარლამენტში დავიწყო შიმშილობა იმ მომენტამდე, სანამ მიხეილ სააკაშვილს არ გადაიყვანენ სამოქალაქო კლინიკაში და სანამ მისი ჯანმრთელობის გარშემო გარანტირებულად არ მოიხსნება კითხვები, - ამის შესახებ „დროას“ ლიდერმა საგანგებო ბრიფინგზე განაცხადა.
მისი თქმით, ყოფილი პრეზიდენტის წინააღმდეგ ადგილი აქვს ცინიკურ და სადისტურ შურისძიებას.