“ამ წუთისთვის პრობლემაა, რომ მიხეილ სააკაშვილს გარკვეული პირადი და ჰიგიენის ნივთები სჭირდება, სასეირნო სივრცის საჭიროებაც დადგება“ - ნინო ლომჯარია
“დაახლოებით 2 საათი დაგვჭირდა იმისათვის, რომ შიგნით მიგვეღწია. გაურკვევლობაა, კომუნიკაცია გართულებულია ჯანდაცვისა და თავდაცვის სამინისტროებს და პენიტენციური უწყებას შორის. ერთმანეთში რეკავენ და არკვევენ რაღაცებს, რამაც დაახლოებით 2 საათი წაიღო,“ - ამის შესახებ სახალხო დამცველმა, ნინო ლომჯარიამ, გორის სამხედრო ჰოსპიტალში მიხეილ სააკაშვილის მონახულების შემდეგ განაცხადა.
როგორც მან აღნიშნა, გარკვეული საკითხები, რაზეც სახალხო დამცველის აპარატმა წინა ვიზიტის დროს შენიშვნა გასცა, დღეს გამოსწორებულია.