loader

"კიდევ ბევრ რაღაცაზე მოუწევს პასუხისგება" - კახა კალაძე მიხეილ სააკაშვილზე - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

"კიდევ ბევრ რაღაცაზე მოუწევს პასუხისგება" - კახა კალაძე მიხეილ სააკაშვილზე

ყველაფერ ცუდის, რაც 2012 წლამდე, ავადსახსენებელი 9 წლის განმავლობაში ხდებოდა, ყველაფრის მთავარი შემოქმედი და შემქმნელი იყო მიხეილ სააკაშვილი, თავის თანამოაზრეებთან ერთად - ძალიან კარგად იცით, რისთვის იხდის სასჯელს და მოუწევს კიდევ ბევრ რაღაცებზე პასუხისგება, - ამის შესახებ თბილისის მერმა კახა კალაძემ ყოფილ პრეზიდენტზე, მიხეილ სააკაშვილზე საუბრისას განაცხადა.

მისი თქმით, მიხეილ სააკაშვილმა რამდენიც უნდა ილაპარაკოს, ის პასუხისმგებლობას ვერ გაექცევა.

"ყველაფერ ცუდის, რაც 2012 წლამდე, ავადსახსენებელი 9 წლის განმავლობაში ხდებოდა, ამის მთავარი შემოქმედი და შემქმნელი იყო მიხეილ სააკაშვილი, თავის თანამოაზრეებთან ერთად. მან რამდენიც უნდა ილაპარაკოს და ეცადოს თავის არიდებას კორუფციაზე, კრიმინალზე, ხალხის გაუბედურებაზე, ოჯახების გამწარებაზე, ადამიანის უფლებების შეზღუდვაზე, რომელიც ფეხქვეშ იყო გათელილი, ბიზნესის ტერორზე, რომელიც ყოველდღიურად ხდებოდა - ეს ხომ კონკრეტული ფაქტები იყო? ამას ხომ ვერავინ ვერ გაექცევა? ამით ცხოვრობდნენ ადამიანები და ეს იყო ყოველდღიური საშინელება, რომელიც ხდებოდა იმ ხელისუფლების დროს. აი, ამის მთავარი შემოქმედი იყო მიხეილ სააკაშვილი და რაც უფრო მეტს ვალაპარაკებთ ამ ადამიანს, უფრო საინტერესოა. ძალიან კარგად იცით, რისთვის იხდის სასჯელს და მოუწევს კიდევ ბევრ რაღაცაზე პასუხისგება", - განაცხადა კახა კალაძემ.