ადვოკატის ინფორმაციით, მიხეილ სააკაშვილმა სამედიცინო მკურნალობა გააგრძელა
მიხეილ სააკაშვილის ადვოკატის, დიმიტრი საძაგლიშვილის ინფორმაციით, პროტესტის ის ფორმა, რომელსაც საქართველოს ყოფილმა პრეზიდენტმა მიმართა, როდესაც განაცხადა, რომ ყველანაირ სამედიცინო მკურნალობას წყვეტდა, ამოწურულია.
უფლებადამცველის განმარტებით, სააკაშვილმა პროტესტის ამ ფორმას პენიტენციური სამსახურის შეზღუდვების საპასუხოდ მიმართა, რომლის მიხედვითაც, ყოფილ პრეზიდენტს ვიზიტორების მიღება და ტელევიზორით სარგებლობა აუკრძალეს. როგორც საძაგლიშვილმა განმარტა, მას შემდეგ, რაც პენიტენციურმა სამსახურმა უკან დაიხია, სააკაშვილმა სამედიცინო მკურნალობა გააგრძელა.