ყველა მოქალაქეს უნდა შეეძლოს ზეწოლისა და მასობრივი არეულობის საფრთხის გარეშე თავისი არჩევანის გაკეთება - ეკა ზღულაძე
ტელეკომპანია "რუსთავი 2"-ის ეთერში შინაგან საქმეთა მინისტრის მოვალეობის შემსრულებელმა ეკა ზღულაძემ მოახლოვებული არჩევნების დროს პოლიციის როლზე ისაუბრა. "არჩევნების დღეს საქართველოს ყველა მოქალაქეს უნდა შეეძლოს დაუთრგუნავად, შეუშინებლად, ზეწოლების გარეშე და პირველ რიგში მასობრივი არეულობების საფრთხის გარეშე თავისი არჩევანის გაკეთება და ამის გარანტორია პოლიცია," - განაცხადა ზღულაძემ.