პაატა დავითაია ახალ მთავრობას მოუწოდებს, აფხაზეთი და ე.წ. სამხრეთ ოსეთი მხარეებად არ აღიარონ - პალიტრა ვიდეო

"ევროპელი დემოკრატების" ლიდერი პაატა დავითაია ახალ მთავრობას მოუწოდებს, აფხაზეთი და ე.წ. სამხრეთ ოსეთი ოფიციალური მოლაპარაკებებისას მხარეებად არ აღიარონ.

როგორც დავითაიამ ბრიფინგზე განაცხადა, ხელისუფლებამ ოფიციალურ მოლაპარაკებებში მხარედ მხოლოდ რუსეთი უნდა აღიაროს.

"დღეს თუ ქართულმა სახელმწიფომ ჟენევის ფორმატში ისინი აღიარა, როგორც მხარე, ეს გამოიწვევს ძალიან მძიმე შედეგებს და იქნება წინაპირობა იმისა, რომ ქართული სახელმწიფოებრიობის საკითხი დადგება კითხვის ნიშნის ქვეშ. ამიტომ მოვუწოდებ ყველას, დააფიქსიროს თავისი პოზიცია ამ მიმართულებით" , - განაცხადა დავითაიამ.