გიგი უგულავა დედაქალაქის "იმპერატორი" იყო - ზაზა გაბუნია
"გიგი უგულავას მერი პირობითად ერქვა, რადგან ის იყო ერთპიროვნული "იმპერატორი" ქალაქში", - განაცხადა თბილისის საკრებულოს წევრმა, "ქრისტიან-დემოკრატმა" ზაზა გაბუნიამ რადიო "პალიტრის" (103.9) გადაცემა "რეზიუმეში" მერიის სისტემაში შემავალ დაწესებულებებში ფინანსური შემოწმების დაწყებასთან დაკავშირებით საუბრისას. გაბუნიას ამ განცხადებამ საკრებულოს წევრის, "ნაციონალური მოძრაობის" მხრიდან, თამაზ შოშიაშვილის აღშფოთება გამოიწვია და საუბარი კამათში გადაიზარდა.