ხმაური გარემოვაჭრეების გაყვანის დროს
გარემოვაჭრეების ნაწილი "ბავშვთა სამყაროს" ტერიტორიიდან გაიყვანეს. ტელეკომპანია "რუსთავი 2"-ის ინფორმაციით, მათი გაყვანა საპატრულო პოლიციამ დილიდან თევდორე მღვდლისა და აბასთუმნის ქუჩიდან დაიწყო. მოვაჭრეებს საქონელს ართმევენ და ვაჭრობას უკრძალავენ. მოვაჭრეებმა მათ წინააღმდეგობა გაუწიეს. ისინი ქუჩაში ვაჭრობის ნებართვას ითხოვენ. როგორც მათ საპატრულო პოლიციის თანამშრომლებმა განუმარტეს, ტერიტორიის გათავისუფლება თბილისის მერიის განკარგულების საფუძველზე მიმდინარეობს.