ჟურნალი "გზა" - "ქართული ბრენდის დღე 2012"-ის ერთ-ერთი გამარჯვებული
ყოველწლიური დაჯილდოების ცერემონიალი "ქართული ბრენდის დღე 2012" წელს შერატონ მეტეხი პალასში გაიმართა. საზოგადოებასთან ურთიერთობის სააგენტო "პროფილმა" მეათე დაჯილდოებაში ქართული ლიდერი კომპანიები და წარმატებული ახალი ბრენდები გამოავლინა. "ლიდერი", "რეპუტაცია და ნდობა", "ახალი ქართული ბრენდი", "წარმატებული ტელეპროექტი" და "ბრენდ-პერსონა" - ამ ნომინაციებში 35-მდე ბრენდი დაჯილდოვდა. ნომინაციაში "რეპუტაცია და ნდობა" ერთ - ერთი გამარჯვებული "პალიტრამედიაში" შემავალი ჟურნალი "გზა" გახდა.