ბათუმსა და ქობულეთში მიწისძვრით გამოწვეული პანიკა ჯერ არ ჩამცხრალა - პალიტრა ვიდეო

საქართველოში წუხელ მომხდარი მიწისძვრით ბათუმისა და ქობულეთის მოსახლეობაში გამოწვეული პანიკა ჯერ ისევ არ ჩამცხრალა. როგორც "პალიტრა ტვ"-ის  კორესპონდენტი ბათუმიდან იუწყება, მოსახლეობა გასულია ქუჩაში, ბავშვები კი საბავშვო ბაღების ეზოებში ჩაიყვანეს და მშობლებს ისინი სახლებში მიჰყავთ. ეზოში ჩაყვანა ითხოვა საავადმყოფოში მყოფმა რამდენიმე პაციენტმაც. ანალოგიური მდგომარეობაა ქობულეთშიც.

საქართველოში წუხელ ორი ძლიერი მიწისძვრა მოხდა. სეისმური მონიტორინგის ცენტრის მონაცემებით, 5,5 და 5 მაგნიტუდის სიმძლავრის ბიძგები შავ ზღვაში, სანაპირო ზოლიდან 29 და 32 კმ-ში 01:44 და 01:55 საათზე დაფიქსირდა.

მიწისძვრის ეპიცენტრი 10 კმ-ის სიღრმეზე მდებარეობდა. ბიძგები განსაკუთრებით დასავლეთ საქართველოში იგრძნობოდა. არსებული ინფორმაციით, მიწისძვრის შედეგად აჭარაში რამდენიმე საცხოვრებელი სახლი დაზიანდა.