ოლეგ მელნიკოვი აუცილებლად იქნება ჩამოყვანილი საქართველოში - თეა წულუკიანი
მელნიკოვი საქართველოში აუცილებლად იქნება ჩამოყვანილი, - ამის შესახებ დღეს გამართულ ბრიფინგზე იუსტიციის მინისტრმა თეა წულუკიანმა განაცხადა. როგორც მან აღნიშნა, მელნიკოვის ექსტრადირების ვადები 16 იანვარს არ იწურება. მისი განმარტებით, საქართველო მოქმედებს მინსკისა და ევროპული კონვენციის მიხედვით, რომელიც მასალების წარდგენის ვადად მაქსიმუმ 40 დღეს განსაზღვრავს. როგორც მინისტრმა აღნიშნა, ეს ვადები, მასალების წარდგენის თვალსაზრისით, საქართველომ დაიცვა. ახლა კი უკრაინელი კოლეგები საექსტრადიციო პროცედურებზე მუშაობენ.