დავით კეზერაშვილის წინააღმდეგ სისხლის სამართლის საქმე აღიძრა
ფინანსთა სამინისტროს საგამოძიებო სამსახურში თავდაცვის ყოფილი მინისტრისა და მაღალჩინოსნის, დავით კეზერაშვილის წინააღმდეგ სისხლის სამართლის საქმე აღიძრა, - ამის შესახებ ფინანსთა სამინისტროს საგამოძიებო სამსახურში გამართულ ბრიფინგზე განაცხადეს. საუბარია 12-მილიონიან ქრთამზე, რომელიც დავით კეზერაშვილმა, ფინანსთა სამინისტროს საგამოძიებო სამსახურის ინფორმაციით, 2007-2012 წლებში აიღო. მიმდინარეობს გამოძიება საქართველოს სისხლის სამართლის კოდექსის 210-ე მუხლის მე-2 ნაწილით, 362-ე მუხლის მე-2 ნაწილით, 214-ე მუხლის მეორე და მეექვსე ნაწილებით, 338-ე მუხლის მეორე და მესამე ნაწილებით, რაც ითვალისწინებს თავისუფლების აღკვეთას 11-დან 15 წლამდე ვადით.