ბიძინა გუჯაბიძე პლენარულ სხდომაზე ჩოხით მივიდა - პალიტრა ვიდეო

საპარლამენტო უმრავლესობის წევრი ბიძინა გუჯაბიძე პლენარულ სხდომაზე ჩოხით მივიდა. სწორედ ეროვნულ სამოსში გამოწყობილი წარუდგენს ის კოლეგებს საკანონმდებლო ინიციატივას, რომლის თანახმადაც, დეპუტატთა ჩაცმულობა, საპროტოკოლო-საქმიანთან ერთად, ეროვნულიც უნდა იყოს. პარლამენტის რეგლამენტში შესატანი ცვლილებების ეს პროექტი დღეს პირველი მოსმენით გადის.

ცნობისთვის, პარლამენტის სხდომათა დარბაზში მყოფ პირთა ჩაცმულობას რეგლამენტი განსაზღვრავს, რომელიც ადგენს, რომ ეს საპროტოკოლო-საქმიანი უნდა იყოს. დეპუტატი გუჯაბიძის საკანონმდებლო ინიციატივით კი, რეგლამენტი იმასაც დაადგენს, რომ პარლამენტის სხდომათა დარბაზში ყოფნა არა მხოლოდ საპროტოკოლო-საქმიანი ჩაცმულობით, არამედ ეროვნული ტანსაცმლითაც იქნება ნებადართული.

უნდა აღინიშნოს, რომ იმის მიუხედავად, რომ პარლამენტში ჩოხით მისვლას რეგლამენტი ჯერ არ ითვალისწინებს, "კონსერვატორები" პირველ ან საზეიმო სხდომებზე ყოველთვის ეროვნულ ტანსაცმელში გამოწყობილნი მიდიან.