ღარიბაშვილის ესკორტი რუსთაველზე და მრავალრიცხოვანი კოლონა თბილისისკენ - პალიტრა ვიდეო

რუსთაველის გამზირზე საავტომობილო მოძრაობის შეწყვეტამდე რამდენიმე წუთით ადრე, გამზირზე შინაგან საქმეთა მინისტრის ესკორტმა ჩაიარა და არსებული მდგომარეობა დაათვალიერა. სამანქანო მოძრაობა გამზირზე დაახლოებით 15:00 საათზე შეწყდა.

ყოფილი პარლამენტის შენობის წინ დამონტაჟებულ სცენასთან აქციის მონაწილეები თანდათან იკრიბებიან. მათ "ნაციონალური მოძრაობის" ლიდერებიც უერთდებიან. ადგილზე მობილიზებულია საპატრულო პოლიციის და სასწრაფო სამედიცინო დახმარების მანქანები.

ამასთან, თბილისში უკვე ჩამოდიან კოლონები რეგიონებიდან. კახეთიდან შემოსულ მრავალრიცხოვან კოლონას მხარის გუბერნატორი ზურაბ ჭიაბერაშვილი და გურჯაანის მაჟორიტარი დეპუტატი გიორგი ღვინიაშვილი ჩამოჰყვნენ.

იხილეთ ვიდეო georgianews.ge -ზე