ველისციხეში შვილმა მოხუცი დედა სასტიკად სცემა - პალიტრა ვიდეო

სოფელ ველისციხეში შვილმა დედა სასტიკად სცემა. ნაცემი საშა შანყულაშვილი ბარძაყის არეში მოტეხილობით გურჯაანის რაიონულ საავადმყოფოში მკურნალობს. მდგომარეობის სიმძიმიდან გამომდინარე, მას გადაუდებელი ქირურგიული ოპერაცია ჩაუტარდა. მეზობლები ამბობენ, რომ ოჯახში ეს კონფლიქტის პირველი შემთხვევა არ არის, არაფხიზელ მდგომარეობაში მყოფი შვილი დედას გამუდმებით სცემს. მოძალადე ამ დროისთვის დაკავებული არ არის, თუმცა მომხდარზე გამოძიება დაიწყო.

საქმე ჯანმრთელობის განზრახ დაზიანების მუხლით აღიძრა, რომელიც 1-დან 3 წლამდე თავისუფლების აღკვეთას ითვალისწინებს.

იხილეთ წყარო "ტელეკომპანია გურჯაანი"