განდგომილი არისტოკრატი, ინტელექტუალი, რომელიც პარტიის რიგითებს არ უყვართ - ბერძენიშვილი ბოკერიაზე
ბატონი ბოკერია რომ პოლიტიკაშია, ეს მისი ილუზიაა, - განაცხადა საპარლამენტო უმრავლესობის წევრმა ლევან ბერძენიშვილმა უშიშროების საბჭოს გენერალური მდივნის გიგა ბოკერიას შესახებ ტელე-რადიო "პალიტრის" გადაცემა "რეზიუმეს" ეთერში. მისი თქმით, ბოკერია საკუთარ პარტიაში ყოველთვის მოიაზრებოდა, როგორც "განდგომილი არისტოკრატი, ინტელექტუალი, რომელიც პარტიას არ უყვარს". რაც შეეხება გზავნილებს, რომელზეც ბოკერია საუბრობდა, ლევან ბერძენიშვილის აზრით, თავად იგია ადამიანი, რომელიც ოპონენტებს გზავნილებს უგზავნის. ბერძენიშვილის თქმით, გიგა ბოკერიამ ვერ გამოიყენა საკუთარი მაღალი თანამდებობა და ვერაფერი გააკეთა.