პროტესტი ცეკვით - თურქეთის საბალეტო დასი ანკარის ქუჩებში - პალიტრა ვიდეო

თურქეთის ოპერისა და ბალეტის სახელმწიფო თეატრის დასმა, სტამბულის გეზის პარკის დასაცავად გამართულ საპროტესტო აქციებში საკუთარი წვლილი შეიტანა. დემონსტრანტებისადმი სოლიდარობის ნიშნად, დასმა ანკარის ქუჩებში საპროტესტო აქცია ცეკვით მოაწყო.

აქციის ერთ-ერთი მონაწილის თქმით, ცეკვა ერთადერთია, რისი კეთებაც მათ შეუძლიათ: "რადგან საკუთარი თავისა და გრძნობების გამოხატვა მხოლოდ ცეკვით შეგვიძლია, ამ შოუს ერთადერთი მიზანი პროტესტი იყო".