"ვინმემ რომ თქვას: "ეს მონსტრია და დილას ჭამდა ბავშვებს" - დებატები "ნაციონალებსა" და თინა ხიდაშელს შორის
ვანო მერაბიშვილს დემონიზება არ სჭირდება, ვანო მერაბიშვილი თავისი ცხოვრებითა და საქმიანობით დემონიზებულია, - მიმართა საპარლამენტო უმრავლესობის ერთ-ერთმა ლიდერმა თინა ხიდაშელმა უმცირესობის წარმომადგენელ გოკა გაბაშვილს გადაცემა "პოზიციაში" ვანო მერაბიშვილის დაკავებასთან დაკავშირებით დებატებისას. გოკა გაბაშვილმა ვანო მერაბიშვილის მსგავსი ბედი "ქართული ოცნების" წარმომადგენლებსაც უწინასწარმეტყველა, რასაც ოპონენტის მხრიდან მწვავე რეაქცია მოყვა. დებატები ცხარე კამათში გადაიზარდა.