მაგრა გამიტყდება, ამ ამბავს რომ გავიგებ - გიგი უგულავა
მაგრა გამიტყდება, რომ გავიგებ ამ ამბავს, - განაცხადა თბილისის მერმა გიგი უგულავამ გადაცემა "პოზიციის" წამყვანის კითხვაზე: რა რეაქცია ექნება, თუ გაიგებს, რომ წინა ხელისუფლებას მის შესახებაც აქვს ფარული ჩანაწერები. როგორც უგულავამ ადამიანთა წამების ამსახველი კადრების შესახებ განაცხადა, "ამაზრზენია ის, ვინც ამას იღებს, დასახვრეტია ის, ვინც ამას ჩადის და საერთოდ მაზრზენია ის, ვინც ამის ტირაჟირებას აკეთებს". ამასთან, მან სისტემური დანაშაული გამორიცხა და ეჭვი შეიტანა ყოფილი მაღალი თანამდებობის პირების მიერ ამ დანაშაულის წახალისებაში.