კმაყოფილი ხართ თუ არა სკოლაში სწავლების დონით და პედაგოგებით? - პალიტრა ვიდეო

პედაგოგთა უმრავლესობამ სასერტიფიკაციო გამოცდაზე ბარიერი ვერ გადალახა. ჯერჯერობით, გამოქვეყნებულია მხოლოდ ქიმიის, ფიზიკის, ბიოლოგიის, ისტორიის, გეოგრაფიის, მათემატიკის, სამოქალაქო განათლებისა და სახვითი ხელოვნების შედეგები. ფიზიკაში ბარიერი ვერ გადალახა პედაგოგების 96%-მა, ქიმიაში 82%-მა და ანალოგიური ვითარებაა მათემატიკაში.

რაც შეეხება ისტორიას, ამ საგანში ბარიერი პედაგოგთა 57%-მა, გეოგრაფიაში - 49%-მა, ბიოლოგიაში - 77%-მა, სამოქალაქო განათლებაში - 82%-მა, სახვით ხელოვნებაში კი - 74%-მა ვერ გადალახა.

შედეგების გათვალისწინებით აქტუალურია შეკითხვა - კმაყოფილია თუ არა საზოგადოება სკოლაში სწავლების დონით და პედაგოგებით?

ამ თემის ირგვლივ გთავაზობთ მსჯელობას დღეს, გადაცემა "მოკლე ჩართვაში", palitra tv-ის და რადიო "პალიტრის" ეთერში. დაგვიკავშირდით და ვიმსჯელოთ, ვიკამათოთ. გადაცემის დასაწყისი 20:30-ზე. სკაიპი: mokle-chartva. T: 2 37 10 39 / 2 38 10 39