ბოლივიის ციხეში ამბოხებას 15 ადამიანი ემსხვერპლა
დაახლოებით 15 ადამიანი დაიღუპა და 60 მძიმედ დაშავდა ბოლივიის ციხეში მომხდარი ამბოხების დროს. ინციდენტი მკაცრი რეჟიმის ციხეში პარასკევს დილით მოხდა, როდესაც ორ დაპირისპირებულ ჯგუფს შორის ჩხუბი შეტაკებაში გადაიზარდა. არეულობას ბავშვის სიცოცხლე შეეწირა, რომელიც ციხეში მშობლებთან ერთად ცხოვრობდა. შეტაკებების დროს დაზარალებული ადამიანების უმეტესობა საავადმყოფოში გადაიყვანეს. მათი მდგომარეობა კრიტიკულია.