დიდი სისწრაფით მომავალი ელექტრომატარებელი მსუბუქ ავტომანქანას დაეჯახა
რუსეთში ქუჩაში დამონტაჟებულმა სათვალთვალო კამერებმა სერიოზული ავარია დააფიქსირა: დიდი სისწრაფით მომავალი ელექტრომატარებელი მსუბუქ ავტომანქანას მთელი ძალით დაეჯახა და რამდენიმე ათეულ მეტრზე ათრია. გადაღებული კადრების მიხედვით აღმოჩნდა, რომ უსაფრთხოების ნორმები დაირღვა, კერძოდ: რკინიგზაზე გადასასვლელი ღია იყო და ამიტომ ავტომანქანების ნაკადი ორივე მხრიდან თავისუფლად მოძრაობდა ისე, რომ მძღოლებმა მოსალოდნელი საფრთხის შესახებ არც კი იცოდნენ.