პარლამენტში ბომბი არ აღმოჩნდა - ცრუ შეტყობინებისთვის 17 წლის ბიჭი დააკავეს
შსს-მ ცრუ შეტყობინების ბრალდებით ერთი პირი დააკავა, რომელმაც გუშინ "112"-ში დარეკა და ქუთაისში, პარლამენტის შენობაში ბომბის არსებობის შესახებ აცნობა. სამინისტროს ინფორმაციით, შსს-ს იმერეთის, რაჭა-ლეჩხუმისა და ქვემო სვანეთის სამხარეო მთავარი სამმართველოს და ხაშურის რაიონული სამმართველოს თანამშრომლებმა, ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, არასრულწლოვანი, 1996 წელს დაბადებული, ხაშურში მცხოვრები ლევან თ. ცრუ შეტყობინების ბრალდებით დააკავეს.
ბრალდებულმა გუშინ, 20:40 საათზე, შსს-ს გადაუდებელი დახმარების ოპერატიული მართვის ცენტრ "112"-ში განახორციელა ზარი ქუთაისში, პარლამენტის შენობაში ბომბის არსებობის შესახებ.
სამართალდამცველები შეტყობინებისთანავე გამოცხადდნენ ადგილზე და შენობიდან დეპუტატებისა და იქ მომუშავე პერსონალის ევაკუაცია მოახდინეს. ადგილზე შსს-ს გამნაღმველთა სამსახურმა და კინოლოგებმა იმუშავეს, რის შედეგადაც გაირკვა, რომ განგაში ცრუ იყო.
სამართალდამცველებმა, ცხელ კვალზე ჩატარებული ოპერატიული მოქმედებების შედეგად, ბრალდებული ხაშურში, საკუთარი საცხოვრებელი სახლის მიმდებარე ტერიტორიაზე დანაშაულის ჩადენიდან ერთ საათში დააკავეს. დაკავებული ჩადენილ დანაშაულს აღიარებს.
იხილეთ ვიდეო georgianews.ge-ზე
ბრალდებულმა გუშინ, 20:40 საათზე, შსს-ს გადაუდებელი დახმარების ოპერატიული მართვის ცენტრ "112"-ში განახორციელა ზარი ქუთაისში, პარლამენტის შენობაში ბომბის არსებობის შესახებ.
სამართალდამცველები შეტყობინებისთანავე გამოცხადდნენ ადგილზე და შენობიდან დეპუტატებისა და იქ მომუშავე პერსონალის ევაკუაცია მოახდინეს. ადგილზე შსს-ს გამნაღმველთა სამსახურმა და კინოლოგებმა იმუშავეს, რის შედეგადაც გაირკვა, რომ განგაში ცრუ იყო.
სამართალდამცველებმა, ცხელ კვალზე ჩატარებული ოპერატიული მოქმედებების შედეგად, ბრალდებული ხაშურში, საკუთარი საცხოვრებელი სახლის მიმდებარე ტერიტორიაზე დანაშაულის ჩადენიდან ერთ საათში დააკავეს. დაკავებული ჩადენილ დანაშაულს აღიარებს.
იხილეთ ვიდეო georgianews.ge-ზე